العـــــــلم نــــــــور …. يقــــــولون

Posted: September 4, 2013 in thoughts & ideas
Tags:

20130904-082242.jpg


امس ما ادري شفيني …
لقيت نفسي ادخل المكتبة .. صار لي دهر ما دخلت مكتبات …
ولقيت نفسي واقف جدام رفوف الكتب … اطالع واقرا عناوين الكتب واسامي المؤلفين ….
ما كنت ادور على اي كتاب بالتحديد … او حتى مؤلف …
كنت اطالع كتب القصص والشعر … كتب علمية وادبية … كتب متنوعة ومختلفة
كتب تجذبك بروعة التصميم والاخراج ….
وانا اطالع واقرا كنت اضحك بنفسي واتبوسم ….
واقول شخباري … من زمان ما مسكت كتاب بايدي …
تذكرت ايام قبل .. وقلت الله يرحم ايام قبل …
كنت اجمع من مصروفي … واتعب واتعنى ادور الكتاب اللي بخاطري
كنت اتعب وانا ادور واركض ورا المعلومة …
مو مثل الحين …
كل شي متوفر بالانترنت وبالمجان … ويا ريت نركض ورا المعلومة مثل قبل …
كتب هابطة وكتب محترمة ..
معلومات منحرفة ومحرفة .. ومعلومات صحيحة …
ومع هذا كله … ما في اي اقبال على المعلومات مثل قبل …
فقط اللي نحتاجه … وعلى قد الحاجة …
بغض النظر عن مستوى المعلومة وصحتها من عدمه
والله ايام …
وانا اخذ كتاب وارد الثاني … كنت اتحسس من ملمس الكتاب …
هذا خشن وذاك ناعم .. هذا غلاف عادي وهذاك غلافه من النوع الفاخر
اقرا تعريف الكتاب … اشوف الفهرس ومحتوى الكتاب وفصوله … وشوي من المقدمة ونبذة عن مؤلف الكتاب …
كتب يعجبك منظرها .. من ناحية التغليف والملمس .. الصور … الغلاف نفسه ..
تقرا المقدمة يعجبك الكلام المصفصف فيها … نبذة عن المؤلف .. تغريك تشتري الكتاب …
تشتري الكتاب وترد البيت .. مستعيل تبي تقرا الكتاب … بعد فصل او فصلين … تلاقي المعلومات هشة .. محورة اذا ما كانت مزيفة ومغلوطة … او مبهمة وغير مفهومة لسبب او لاخر …
تكتشف انك ضيعت فلوسك على شوية قراطيس ملونة .. ما تستفيد منها باي شي .. الا اذا كنت من هواة تغليف السندويتشات …
يمكن المبلغ اللي شريت فيه الكتاب ما بالعين شي .. وثمنه رخيص .. لكن تتضايق انك ما استفدت منه باي شي … وضيعت وقتك على الفاضي …
احيانا افكر .. العلم راح ..صرنا في زمن الجاهلية والخزعبلات ..وبعضنا يسميها العادات والتقاليد … صرنا ناخذ من العلم اللي يضرنا وما ينفعنا .. او ينفعنا في الوقت الحالي فقط …
يمكن اكون غلطان … اتمنى اكون غلطان … لكن هذي نظرتي … حسب ما شفته من نوعية الكتب اللي لقيتها بالمكتبة …
اذا في احد معترض … نسمع صوته .. ونقرا كلامه …

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s