اهــــــداء الى والــــــــدي ( رحمه الله في الدنيا والآخرة )

Posted: March 25, 2013 in thoughts & ideas
Tags:

كلمات كتبـــتها مـــن زمـــان وظنيـــت اني نسيـــتها وضاعــت الاوراق
وصدفة كنت انظـــــف ادراجي ولقيتها …..
شــــاركـــوني فيــــها ….

20130325-094256.jpg

كيــف أبكــي وقــد جــف بحــر الدمـــوع … كيــف أشكــي والكــلام أصبــح ممنـــوع … كيــف أعشــق والحــب فــي قاموســـي أصبــح غيــر مشــروع … وقلبــي إنطفــأ مــن تلـــك الشمـــوع وتلـــك روحــي رحلـــت وتأبـــى الرجـــوع

20130325-094447.jpg


يبا
((( يبا….شلونك؟؟
يبا….مرتاح؟؟

يبا…تذكر يوم كنت أقولك جسمي يبيله تعديل … وعدلته …وأبشرك دشيت بطولات …والحمدلله الحين أحسن ….بس يبا مازرتني؟
ترى يبا…أبشرك…تخرجت من الدوره ….شفت لما أقولك ولدك قدها!!

تذكر يبا يوم زعلت عشان مادشيت الجامعه بس دشيت الجيش ومعاشئ أحسن من الجامعي …كنت تقوللي…ياولدي..هاذي الجامعه…أحد يترك الجامعه؟ويدش الجيش….. قلتلك يبا… ما أقدر عليها …اصير عسكري احمي ديرتي أحسن من الجامعه …

أبشرك يبا…أنا أشتغل ألحين ..شفت يبا ان ولدك مو سهل….يلا وين هديتي؟ أتغشمر معاك…انت عارف ان أغلى هدية رضاك علي
يبا….راضي علي

يبا…تذكر يوم كنت تقول: ياليتني لو كنت شمعة….تذوب لتضيء للناس حياتها…ياليتني لو كنت قطعة سكر…تحلي مرارة الأيام…أو كنت ورده. ..تسعد الناس في الربيع…وتذبل بهدوء في الشتاء…

أبشرك يبا…ولدك على نفس الدرب…وعلى نفس الخطا…

تذكر يبا يوم كنت تقول لي….ياولدي…الناس نوعين….ناس انخلقوا سعداء….وناس انخلقوا ليسعدوا غيرهم…..

تصدق يبا….أحس إني فشلت إني أكون من النوع الأول…..وقاعد أحاول إني أكون من النوع الثاني…مثلك تماما

يبا…لاتشيل هم أختي ترا اتزوجت ويابت بنت …وسميناها حصه تراه بعيوني مثل ما كانت بعيونك…وبإذن الله بيكون الشخص الي تفتخر فيها …

يبا…اتذكرت شغلة….حلمت فيك أمس….والله يبا صاير أحلى من أول..لكنك رحت قبل لاأشبع منك

فاتك يايبا….رحت السوق قبل جم يوم أشتري أغراض…وشفت واحد من ربعي عزيز علي
..ياحليله يايبا..يقولي “سلم على ابوك”..

يبا….تصدق لي الحين…في كل سفرة لي….إذا ييت اشغل تلفوني بعد مانهبط…وييتني رساله …عبالي من رسالتك اللي عودتني عليها
“حمدالله على سلامتك حبيبي…كلمني أول ماتوصل”

سامحني يا يبا..أنا لازم أمشي الحين لأنهم بيقفلون ا لمقبره.
آآآآآخخخخخ :(:(!!

-=-? أحيانا ما نحس بقيمة الانسان إلا لما نفقده،، ديروا بالكم علي قبل لاتفقدوني وتتحسفون)

20130325-094543.jpg


حــينما أبــتسم لك
واســألك عن حــالك وأمد بـ يدي
لـ مــصافحتك بعد إســاءتك لي .!
لايــعني أن الــحياة لاتمشي مــن دونك …
بــل يعني شــيئا واحد !!
………
آنــني نشأت عــلى يدِ..!
رجــلِ كبيرْ عــظيم
عــلمني أن لا أديــر ظهري..
بـ مــن جمعنا بــهم ” عيش ومــلح ”
وكانــت له مــعزة في يــوما من الايــام

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s