من عز نومي صحيت وشفت
دمع تهادى على جفني وانا غافي
سترت دمعي بكمي قبل يغريني
واخذت هذا الجسد مع باقي لحافي
وسريت تايه ورا خطوات رجليني
لا الوجه وجهي ولا اوصافي هي اوصافي
امشي واقول لطريجي لا توديني
لعيون الناس تدري عن الخافي
امانتة .. خلها ما بيني وبينك
خابرك يالدرب خوة عمر وسنادي
ما ودي الناس تدري وش يبكيني
كرامة النفس ورث ابوي واسلافي
امشي واحس الخناجر في شراييني
والبرد يمشي وراي وينهش اطرافي
وحيد والليل وبرده يغطيني
الين ما اوحيت لي صوت يناديني
صوت اعرفه مثل ما اجهل وش خلافي
قمت اتلفت وانادي لا تخليني
ما غيره الصوت هذا صوته الدافي
ولمحت زوله من اقصى الدرب لافيني
مدري وش اقول لكن حي الله ها اللافي
تعال شوف غيبتك شلون اثرت فيني
تعال شوفني شلون انا اغرق عقب مجدافي
تعال خذني وارحب من عناويني
تعبت اعدي على جمرك وانا حافي
تعال واقطف بصوتك زهرة سنيني
كل المواعيد عقبك شمعها طافي
تعال وازرع خصل شعرك بكفيني
بضمها لين احس بليلك الدافي
تعال وشفيك خايف ؟ انت ناسيني ؟
قطعت صوتي عليك وطال ميقاتي
حتى بديت اشعر ان الحب معميني
وان انت حلم عثى فيني وانا غافي
لكن امانة ..ترى اللي فيني كافيني
ان رحت مني كذا ما رحت متعافي
بصدق الحلم واحذر تصحيني
في خاطري كلمتين وان قلتها كافي
امانة الله عليك ان غبت عن عيني
لا يكون قلبك مثل الزمن جافي
مع كل دمعة تذكر رعشة يديني
مع كل ضحكة تذكر قلبي الوافي
صحيح لا تكون مثل باقي البشر والله deal with it
LikeLike