وحيـــــــد الليـــــــل

Posted: February 11, 2013 in thoughts & ideas
Tags:

20130211-192637.jpg

من عز نومي صحيت وشفت
دمع تهادى على جفني وانا غافي
سترت دمعي بكمي قبل يغريني
واخذت هذا الجسد مع باقي لحافي
وسريت تايه ورا خطوات رجليني
لا الوجه وجهي ولا اوصافي هي اوصافي
امشي واقول لطريجي لا توديني
لعيون الناس تدري عن الخافي
امانتة .. خلها ما بيني وبينك
خابرك يالدرب خوة عمر وسنادي
ما ودي الناس تدري وش يبكيني
كرامة النفس ورث ابوي واسلافي
امشي واحس الخناجر في شراييني
والبرد يمشي وراي وينهش اطرافي
وحيد والليل وبرده يغطيني

20130211-192754.jpg

الين ما اوحيت لي صوت يناديني
صوت اعرفه مثل ما اجهل وش خلافي
قمت اتلفت وانادي لا تخليني
ما غيره الصوت هذا صوته الدافي
ولمحت زوله من اقصى الدرب لافيني
مدري وش اقول لكن حي الله ها اللافي
تعال شوف غيبتك شلون اثرت فيني
تعال شوفني شلون انا اغرق عقب مجدافي
تعال خذني وارحب من عناويني
تعبت اعدي على جمرك وانا حافي

20130211-192858.jpg

تعال واقطف بصوتك زهرة سنيني
كل المواعيد عقبك شمعها طافي
تعال وازرع خصل شعرك بكفيني
بضمها لين احس بليلك الدافي
تعال وشفيك خايف ؟ انت ناسيني ؟
قطعت صوتي عليك وطال ميقاتي
حتى بديت اشعر ان الحب معميني
وان انت حلم عثى فيني وانا غافي
لكن امانة ..ترى اللي فيني كافيني
ان رحت مني كذا ما رحت متعافي
بصدق الحلم واحذر تصحيني

20130211-193033.jpg

في خاطري كلمتين وان قلتها كافي
امانة الله عليك ان غبت عن عيني
لا يكون قلبك مثل الزمن جافي
مع كل دمعة تذكر رعشة يديني
مع كل ضحكة تذكر قلبي الوافي

20130211-193203.jpg

Comments
  1. صحيح لا تكون مثل باقي البشر والله deal with it

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s