زمن ضايع part 3

Posted: January 23, 2013 in storys
Tags:

20130123-083040.jpg

مريت على فريجنا القديم ووقفت عند باب بيتنا القديم
سمعت صدى صوت يناديني
تلفت ودورت ما لقيت احد
دشيت البيت وانا امشي واطالع كل شي حوالي ….
تذكرت شلون كنت العب بحوش البيت
رديت وسمعت ذاك الصوت القديم ينادي
تعوذت من ابليس وقلت في نفسي اكيد هذا ساكن البيت الجديد
خفت ورقع قلبي .. قلت في نفسي انحاش
ناداني الصوت وقال وين رايح وين منحاش
نسيت ماضيك وياي تتذكر الحين
صرخت … منو يناديني ؟؟ منو يحاجيني ؟؟؟
ما سمعت الا صدى صوتي يتردد باركان البيت
وين رحت ووين دنياك وشنو اللي صار معاك ؟؟؟
منو انت .. رديت اسال وانا اسمع صدى صوتي يتردد
ليش منخش وشحقه تسال …؟؟؟!!!
انا ما ضيك اللي تحاول تتذكره
انا مستقبلك اللي خايف منه
انا الحاضر اللي منحاش منه
ركزت بالصوت اكثر …. لقيته صوتي من ذاك الماضي البعيد
لقيته صوتي اللي بح من كثر ما يصرخ بالحاضر
لقيته صوتي اللي انكتم بالمستقبل وسكت
كنت اكلم نفسي ولا اشعر
كنت اعاتب نفسي ولا احس
كنت احاسب نفسي ولا ادري
البيت صار له سنين مهجور …. محد دخل البيت وسكن من بعد ما تركناه
رحت وقعدت عند الشجرة اللي بوسط الحوش وتحت ظلها غفيت
كاني لالول مرة …. احس بالراحة والامان
كاني لاول مرة احس اني لقيت شي كنت فاقده من زمان
وفي عزغفوتي سمعت صوت يهمس باذوني
يسالني ليش رديت …. الناس تمشي جدام وانت ترجع ورا ؟؟!!!
ليش تبي تتذكر شي راح من زمان ؟؟
ليش تبي تعيد الماضي اللي راح
فزيت … لقيت الدمعة تسرح على خدي التفت ناحية الشجرة ورفعت راسي وانا اطالعها
ابتسمت … كاني اشوف نفسي يوم كنت اتسلق الشجرة ، وتذكرت شلون كنت العب تحتها ومعاها …. والله ايام .. قلت في نفسي وانا اضحك شوي وابتسم شوي
وقلت في نفسي الحمد لله على كل حال وصرت اتلفت واطالع البيت … كاني احاول اصور واتصور واتذكر كل شي صار بهالبيت

20130123-083230.jpg

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s