الخاتمة ….Part5…. مضــــاوي

Posted: April 21, 2010 in storys
Tags:

دارت الايام ..تلتقي مضاوي بسالم صدفة

كل واحد فيهم يطالع الثاني ومستغرب …وكانهم يسالون نفسهم ..انت اعرفك ولا مشبه عليك

مضاوي ..؟؟؟!!! ..هذا انتي ؟؟؟

هلاسالم ..شلونك ؟

تصدقين ما عرفتج ..قاعد اقول هذي جني اعرفها ولا مشبه عليها ..

ضحكت مضاوي ..وقالت ..اتصدق حتى انا ما عرفتك ..وكنت مشبه عليك

وينج ووين ايامج ؟؟ من تزوجتي اختفيتي ..ومحد يدري عنج بشي ؟؟

الحمدالله ..عايشة بهالدنيا ..

من وراها ..كانت بنتها الصغيرة ..منخشة وراها …

هذي منو ..الحلوة الامورة الصغيرة …؟؟

نسيت اعرفك ..هذي بنتي …دلال …

ما شاء الله …اكيد طالعة عليج ..مبين من حلاوتها ..تعالي ماما لا تخافين تعالي سلمي على عمي

سلمي على عمج ماما لا تخافين ..

احتضن سالم البنت الصغير ..وصار يلاعبها … وكان بمخباته حلاو …عطاها منه شوية وصارت البنت تضحك

لا تعطيها وتخربها علي ..حدها عنيدة وما تسمع الكلام

اكيد ..عنيدة …ضحك سالم ..طالعة على امها ..راسها يابس وما تسمع الكلام

ما قلتلي ..انت شخبارك ..وشلون اختك ..سالت عليكم …قالو انكم بعتو البيت بعد وفاة ابوكم وانقطعت اخباركم

توة سالم يبي يرد عليها ..يسمع صوت من وراه يناديه

سالم …سالم ..تعال شوف عيالك اذوني ويننوني … ماني عارفة اشتري شي منهم

انتبهت مضاوي ..وتفاجات ..هذي منو …؟؟

سلام عليكم …كانت هذي زوجته ..وهي تسحب وراها ثلاثة اطفال

سالم شوف عيالك اذوني

اعرفكم على بعض ..هذي مضاوي ..جارتنا قبل ..اخت هنادي وانوار اللي كلمتج عنهم

اقدم لج زوجتي ليلى ..وهذيلي الشياطين ..وهو يضحك ..دلال ولولوةوهذا اللي مشخبط فيهم كلهم راشد

انت تزوجت ..؟؟؟ سالته وهي ..مستغربة ؟؟ منصدمة ؟؟؟ ردود الفعل عندها كانت مختلفة

هلا مضاوي ..شلونج ..وايد اسمع عنج لما اروح ازور خواتج مع سالم وسوسن .. بس مستغربة ليش هالغيبة الطويلة ؟؟ حتى خواتج ما تسالين فيهم اشدعوة …ولا ريلج مو راضي يخليج تزورينهم

ها ..لا ..بس ظروف اهي اجبرتني ابتعد عنهم ..مبروك سالم ..سامحني ما دريت انك تزوجت ..وما شاء الله صار عندك ثلاثة

Comments
  1. والله حالة بالفعل ودي اعرف لها اجابة ليش لمن نبتعد عن ناس يردون يدورونا ويردون الماضي شنو الإستفادة وبعدين وليش وشحقة

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s