مضــــــاوي

Posted: April 5, 2010 in storys
Tags:

مضاوي …. حالها حال كل البنات

انها تكون محط انظار الناس

تحلم انها توصل لاعلى المراكز بالحياة

تحلم انها تعيش قصة حب خيالية …مثل ما تشوف في الافلام والمسلسلات

وتتزوج وتكون الاسرة المثالية

بدون مشاكل ولا وجع راس

لكن …..

مشكلة مضاوي انها ماكانت جميلة …مثل اللي تشوفهم بالافلام والمسلسلات

ما نقول انها كانت قبيحة ….كانت متوسطة الحال

اهلها ..مستواهم المعيشي مقبول …يعني ماكانت بنت فلوس ..ولا كان ابوها يملك القصور

كانت مؤمنة ومقتنعة ..الجمال الداخلي افضل وانقى من الجمال الخارجي

لكن هذا الكلام …قلة قليلة تقتنع فيه

او حتى تصدقه وتقتنع فيه

لكن اللي يعرف مضاوي واخلاقها … تجذبه بقوة شخصيتها ودماثة اخلاقها

كانت مثال البنت الحنون البارة بوالديها

وكانت الام الثانية ..لاخوانها الصغار …بحكم انها كانت البكر والكبيرة بالعايلة

لكن مضاوي ما تدري …كان ولد الجيران يرفرف قلبه لما يشوفها …يحبها ويعشقها

لكنه كان يخاف من ردة فعلها …!!!

بما انه فقير مثلها …وما يقدر يحقق لها احلامها

قرر انه يجمع مهرها بالاول ..ويجهز نفسه

قبل ما يصارحها ..ويتقدم لها

خصوصا ..انه يدري مضاوي …ما عندها وقت للعب والكلام الفاضي ..اهلها احسنو تربيتها

ابن الجيران ..كان حاله نفس مضاوي مع فرق بسيط

امه توفت وهو صغير ..وابوه كان سكير

وكان عنده اخت صغيرة …يخاف عليها من النسمة الطايرة

وكانت اخته الصغيرة ..دايما تروح عند مضاوي تساعدها بمذاكرة دروسها ….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s