سجيـــنة القصــــر

Posted: February 19, 2010 in storys
Tags:

اذكر يوم كنت صغيرة

كنت انخش تحت عباةامي وامشي على خطواتها

كنت اخاف من الناس لا يشوفوني

يوم اني كبرت..

ابوي قال بيستر علي ويزوجني

وما لقى غير ولد عمي يستر علي

وافقته وما رديت له طلب

مرد البنت تترك بيت اهلها ..وتروح بيت ريلها

كنت اظن ولد عمي …راح يقدرني ويحترمني

راح يدللني ويهنيني

كنت غلطانة وساذجة بتفكيري

ولد عمي يمكن يكون متحضر ..ودارس في ارقى الجامعات بالخارج

لكنه بعده للاسف ..تحكمه العادات القبلية اللي تربى عليها

حكم علي بالاعدام من اول ليلة تزوجنا

سجني في بيته ..وعاملني مثل اي قطعة اثاث موجود عنده

لغى وجودي كانسانة ..لها تفكيرها واحترامها

شكيت الحال حق ابوي ..وطلبت منه انه يتدخل

لكن ابوي …مثله مثل كل الناس بالقبيلة

يخاف الناس لا تتحجى وتعيبه على تربيته وقال لي

عيب على البنت تطلع من بيت رجلها بدون اذنه وشوره

ولازم اطيعه طاعة عمية في كل صغيرة وكبيرة

بجيت ..ورحت حق امي وبحضنها ارتميت

طبطبت على راسي وقالت

شفيج انتي ينيتي …؟؟

احنا زوجناج من ولد عمج ..اللي كل ابنات تتمناه وتحسدج

كنت اظن انها راح تفهم وتحس باللي فيني

قالت لي انتي منتي ذيج الصغيرة مثل قبل

انتي الحين ربة بيت

خلي عنج العاب اليهال ..وشوفي بيتج وراحة ريلج

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s