اوراق قديــــمة

Posted: December 31, 2009 in storys
Tags:

ذكريات من الماضي …هذا كل ما تبقى لي

اليوم فتحت البوم الصور..وقعدت اطالع واتذكر

ايام المدرسة ..في البيت …البحر …البر…..الخ

داخل الكويت …خارج الكويت

انا واهلي …انا وربعي

مرة ابتسم .. ومرة اتضايق … ومرة ما ادري شنو اسوي

ومرات اسال نفسي … ليش وشنو اللي صار حتى يكون هذا حالي الحين

تذكرت ايام المدرسة

تذكرت ايام الجيش

ايام الغزو والاسر

مرة ابتسم ..ومرات تخنقني العبرة

ومرات تنزل من عيني الدمعة

غصب احاول امنعها واحبسها لكنها تلاقي طريجها وتنزل على خدي وتجرحني

ما ادري …

اطالع الماضي وافتخر

ولا اطالع الحاضر والطم

ولا اشوف المستقبل اسود واتشائم

ما عندي اي فكرة واضحة عن المستقبل

لكن كعادتي كل سنة …

امسك دفاتري واصفي حساباتي

اسماء تنحذف , اسماء اضيفها

واسماء ما ادري شسوي فيها

امنيات قديمة تتجدد …امنيات جديدة ..صارت من مخلفات الماضي

اعيد تقييم اعمالي …. ممتلكاتي واموالي

اللي يسمعني يقول اني مليونير

كلهم دينارين J

ما عليه ..اهني نفسي واقول ..كل عام وانا …

ان شاالله بخير واحتفل فيه مع اشباحي

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s