قصـــور مهجـــــورة

Posted: December 16, 2009 in storys
Tags:

غريبة ..معقولة .. ؟؟!! ؟؟ ما كنت متوقع انه راح يصير فيني جذي ….!!!

حتى بالصلاة ….. صرت انسى واضيع ….!!!

احيانا اوقف واستعد للصلاة …او وانا اصلي انسى نفسي او ما ادري انا شنو قاعد اسوي

ما ادري اضحك على نفسي ولا ابجي … ؟؟؟ !! ؟؟؟

كثرت علي الوساويس .. ومخي يبي ينفجر من كثر التفكير

في شغلات .. ممكن تكون بسيطة ان الواحد ينساها او حتى يتناساها

لكن انا … صرت انسى اشياء وشغلات وايد

ممكن تكون مهمة وممكن تكون تافهة

قبل ما كنت اعطي الموضوع اي اهمية … لكن الحين صرت اشوف الحالة تزيد عندي اكثر واكثر ….. !!!!

احس بصدري بيختنق وما اقدر اتنفس …..

قعدت اطالع التليفون … وبعد تفكير … قررت اتصل

طلبت الرقم … رد علي الطرف الثاني

كانت البدالة الالية لمستشفى …….

شي يضحك … حاولت اتذكر الرقم الداخلي للدكتور المسؤل عن حالتي وهو صديق اعرفه … نسيته

هونت على نفسي وقلت انا ما اتصل فيه وايد علشان جذيه نسيته

وبعد ما تم تحويل المكالمة عن طريق موظفة الاستقبال

كلمت الدكتور عن حالتي

وتم تحديد موعد لمراجعته في العيادة في اقرب وقت ممكن للنظر في حالتي

وحيث انه كان صديقي سابقا .. فقد تم تحديد موعد جدا قريب

انهيت اتصالي وانا ما ادري ….

اضحك ولا ابجي على حالي

صرخت بصمت وقلت أأأأأه

وانا ادري لو اصرخ فيها باعلى صوتي … ما في احد يسمعني

وحتى لو سمعوني …. ما ظنيت انهم بيهتمون ويسالوني شفيني …

وحتى لو سالوني …..

شنو اجاوبهم واقول لهم ….. ؟؟؟

اخذت لحظات …وبعدين تذكرت …

رديت اتصلت .. والغيت موعد المستشفى

تفاجا الدكتور وسالني السبب … ؟؟

قلت له عندي التزامات خاصة .. وما اقدر احضر بالموعد

قال ما في مشكلة … نقدر ناجل الموعد ولو اني انصحك انك تعجل …حتى نقدر نتدارك الموقف ونعالج حالتك

قبل ما يفوت الاوان … وتضيع فرصة العلاج

قلت له … اللي تشوفه دكتور … انا راح اكون على اتصال

عندك رقمي بملفاتكم .. وتقدرون وتعرفون شلون توصلون لي

قال .. اخذ رقم تليفوني .. ولا تتردد تتصل فيني باي وقت كان

صبح او ليل ..انا دايم موجود

اخذت رقمه .. وانهيت الاتصال

افكار وايد دارت براسي … تعوذت من ابليس

اخذت حبة الصداع … وقلت الوقت متاخر

يمكن انا تعبان واحتاج انام

وعلى قولتهم …من اصبح افلح … الله كريم

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s