قصـــور مهجـــــورة

Posted: December 12, 2009 in storys
Tags:

على قولتهم ..مو كل من مسك القلم قال انا كاتب

ومو كل من طلع بفكرة يديدة قال انا مفكر

يا كثر من يدعي الابداع وهو ما يدري شلون الابداع صاير

لكن لو واحد فينا قعد بينه وبين نفسه وحاول يبدع في اي مجال كان

الكل من حواليه وهذا يمكن اللي احنا فالحين فيه

النقد والطنازة وغيره ما نفلح فيه

ننتقد اي شي واي كان ولاي سبب كان

ويا كثر ما ننتقد ونخلي الواحد يحس بالاحباط ويوقف بنص الطريج ويقول خلاص هونت

يا كثر ما نتعثر ونطيح ونرد نقوم يمكن نوصل للنهاية ونشوف نتيجة تعبنا

ونحس بالفخر بنتيجة تعبنا حتى لوكان اقل مما كنا نتوقع ويمكن يكون اكثر مما نتوقع

ويمكن نوقف بنص الطريج ونقول ليش اكمل …اذا الكل من حوالي ما يشجع ويخليك تحس بالاحباط وان الطريج جدامك مسدود

انا نفسي ..تعلمت اخش اي شي اسويه

ولما اخلص ..اتباهى فيه بوسط الناس واقول هذا اللي انا قدرت اسويه

مو مهم اذا عجبهم او لا ..المهم انه يعجبني انا

اني انا قدرت اسوي اللي غيري ما قدر يسويه

يمكن انجح فيه ويمكن افشل فيه ..لكن انا قدرت اسويه

بعكس غيري …اللي يتفاخر بالشي قبل ما يسويه ونص الطريج يتنازل عنه لانه ما لقى التشجيع اللي يبيه

او لانه اخذ اللي كان يبيه وخلاص ما في داعي يكمل اللي كان يبي يسويه

مشكلتنا باختصار ..في هذه الحالة تكون المظاهر

ويا كثر ما تغرنا المظاهر..وننخدع فيها

ياما شفنا وعاشرنا ناس غرتنا لمعتهم

مثل الذهب يبرقون ….لكن لما جربناهم في اصعب المواقف

لقيناهم مثل النحاس بسرعة يصدون

ويمكن النحاس فايدته اكثر واحسن منهم

اللي مثلهم يضرون وما ينفعون

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s