من فــــي المستشفــــــى

Posted: December 7, 2009 in storys
Tags:

اشتباه سكر

الضغط مرتفع عندك

اشتباه الشرايين والقلب تعبان ومتسكرين

اشتباه وجود اورام بالراس ….

اورام بالراس …!!!

الشرايين والقلب ادري فيهم

الضغط المرتفع ادري فيه

السكر …من حلاتي علشان يصير فيني سكر

لكن الاورام …؟؟ وانتو كل شي عندكم اشتباه …ما عندكم شي اكيد

رد علي الطبيب وقال …احنا ما نقدر نقول شي اكيد من اول مرة واول فحص

ما نبي نخلق توتر وحالة فزع عند المريض

لازم نسوي شوية فحوصات اكثر علشان نتاكد

دكتور …تقص على منو … انتو قاعدين تدربون علي ولا شنو …؟

تدري شلون …خلو فحوصاتكم حق بعدين ..الحين انا مو فاضي لكم وعندي شغلات ثانية اهم

هذا كان ملخص مقابلتي مع الطبيب …. بعد ايام من وجودي في المستشفى

وبعد عمل عدة فحوصات شاملة وخاصة

والنتيجة …اشتباه …ليلحين ما تاكدنا

طلعت من المستشفى وبالي مشغول …ما ادري وين اروح وشنو اسوي

احيانا تكون المعرفة نقمة والجهل نعمة

قبل كنت ماشي على البركة ولا احاتي شي

والحين احس بنفسي ضايع ولا ادري شنو اسوي ….

ارد المستشفى واسوي الفحوصات …ولا اطنش واشوف حالي بعدين شلون يصير

قمت امشي بالشوارع ضايع …ما ادري وين اروح

ولا ادري منو اكلم واستشير ….

اذكر قبل كنت اقول ..عنادي سبب نجاحي

والحين خايف عنادي يسبب نهاية حياتي

خايف…. لا ..ما اظن اني خايف اخسر حياتي

لان ما عندي شي احاتيه او اخسره

انا خسرت كل شي من زمان …والحين عايش على الفتات اللي ظل من احلامي

Comments

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s